’s Gretle a’ der Kunkel von Anna Schwäble

Wia wurd miar dea Winter
Mei’ Zeit au so lang,
Wia ischts miar um ’s Hearz oft
So schwer und so bang
 
Mi ka’ jô nix freua,
Was Andre vergnüagt, –
Weils ällweil da’ Sinn miar
Nôch Stuagert na ziagt.
 
Mei’ Rad will et schnurra,
10 
Dear Fad so oft bricht,
11 
Dui ganz Spinnerei ischt
12 
Äll Fahrt ganz verricht.
 
13 
Wia bleibt miar mei’ Rädle
14 
Oft stauh’ o’verhofft,
15 
Dean Fada, dean netz i
16 
Mit Thräna gar oft!
 
17 
Voar Loid, – jô voar Hoimwaih
18 
Mei’ Hearz mir oft bebt,
19 
Weil huier mei’ Frieder
20 
Miar d’ Kunkel et hebt!
 
21 
Scho’ morge’ds – dô lôßt ear
22 
Sei’ Vieh nemme naus,
23 
Wia hôt ear als knällt jô
24 
Dô abe am Haus.
 
25 
Und melk i em obe’ds,
26 
Versieh-n-i mein Stall,
27 
’s klopft nemme ans Fea’schter, –
28 
Oh! ’s fehlt überall!
 
29 
Jô freile dear Jäger,
30 
Dear schneckelet rum;
31 
I laß mi net blicka, –
32 
I be’ net so dumm!
 
33 
I ka’s neamer klaga,
34 
Und streits Älle weg;
35 
– Sott is ebber saga,
36 
I siags blauß mei’m Scheck.
 
37 
Mei’ Scheck ischt mei’m Frieder
38 
Sei’ Liableng jô gwea,
39 
Mei’ Scheck hôt mein Frieder
40 
Jâ au so gearn gseah’.
 
41 
’s ischt lang noh bis z’ Früahleng
42 
Wia lahm gôht au d’ Zeit! –
43 
I muaßs halt verwarta,
44 
Doch – nô kommt mei’ Freud.
 
45 
Jô, gwiß wurds nô besser,
46 
Vo’ Thräna koi’ Spur,
47 
Dô kommt jô mei’ Frieder
48 
In sei’ra’ Montur.
 
49 
Wia schö’ wurd mei’ Frieder
50 
In Oneform sei’,
51 
Ear ischt jô so sauber,
52 
Et z’ grauß und et z’ klei’!
 
53 
I glaubs, daß mei’ Frieder
54 
„Getreu miar verbleibt,“
55 
Und dronnt in deam Stuagert
56 
Sei’ Zeit guat vertreibt.
 
57 
Ear betet sein Seaga
58 
In sei’ra’ Kasearn,
59 
Und fluacht et wia Andre,
60 
Drum hôt ma’-n- au gearn!
 
61 
– Jetzt stôht gwiß mei’ Frieder
62 
Alloi’ uf der Wacht! –
63 
Und i gang zuar Ruah jetzt
64 
Und sag em „Guat Nacht!“

Details zum Gedicht „’s Gretle a’ der Kunkel“

Anzahl Strophen
16
Anzahl Verse
64
Anzahl Wörter
305
Entstehungsjahr
1897
Epoche
Naturalismus,
Moderne

Gedicht-Analyse

Das Gedicht „’s Gretle a’ der Kunkel“ stammt aus der Feder der Autorin bzw. Lyrikerin Anna Schwäble. Schwäble wurde im Jahr 1844 in Wildberg geboren. Das Gedicht ist im Jahr 1897 entstanden. Erschienen ist der Text in Berlin. Die Entstehungszeit des Gedichtes bzw. die Lebensdaten der Autorin lassen eine Zuordnung zu den Epochen Naturalismus oder Moderne zu. Die Zuordnung der Epochen ist ausschließlich auf zeitlicher Basis geschehen. Bitte überprüfe unbedingt die Richtigkeit der Angaben bei Verwendung. Das vorliegende Gedicht umfasst 305 Wörter. Es baut sich aus 16 Strophen auf und besteht aus 64 Versen. Auf abi-pur.de liegen zur Autorin des Gedichtes „’s Gretle a’ der Kunkel“ keine weiteren Gedichte vor.

Daten werden aufbereitet

+ Wie analysiere ich ein Gedicht?