D Sonn- und Mau’fanger von Michel Buck

Däaffat mi koin Lugnar schealta,
Wenn i sag, as hä der Bussa
Môl a Jungs voar alti Zealta
Gworfa hinter Altha dussa.
 
Saget it: „Was luigt dear Silli?“
Want er s Rätsle inna weara?
Seahnt, der Aischterbearg isch ’s Fülli
Und der Bussa d Füllamäahra.
 
Und deam Fülli hôt ui d Sonna,
10 
Wenn se drübert num ischt ganga,
11 
Äll Täg s Hôr vom Buckel bronna,
12 
Denn dött danna wills nia ranga.
 
13 
Und so haunt dia obri Gwalta
14 
In der guata Gmoi’d von Altha
15 
Zletschta Rôt im Rôthous ghalta,
16 
Wia ma’ d Sach könnt andrischt gstalta
 
17 
Und am Bearg der Dürre wehra,
18 
Seit dô älli Früchta dôrret
19 
Und seall d Weackaldurabeera
20 
An die Boscha zema gschmôrret.
 
21 
Sitzet um da Tisch dia Richter
22 
Z halba sechse schau’ am Morga,
23 
Uff die Stirna, uff die Gsichter
24 
Vola Runzla von de Sorga.
 
25 
Sait der Schultas: „Mit Exküse,
26 
Sonn und Mau’, dia muaß ma’ fanga!“
27 
„„Ei’verstanda!““ schreit der Nyse,
28 
„„I gi s Gara hear und d Stanga!““
 
29 
Sait dr Schultas: „Zaischta d Sonna,
30 
Dui hôt mit em Fülle d Lusi;
31 
Haunt mer dui, ischt ällas gwonna,
32 
Denn der Mau’ lauft nô, dear Fusi.
 
33 
Und mer want glei boidi sperra
34 
Uff da Turn ins Uhrahäusle.
35 
Und miar sieba Weatterherra,
36 
Miar regiaret d Wealt nôch weisle!“
 
37 
Und se thant voar Freud jetz lacha –
38 
Wear wött dô au s Lacha spara,
39 
Wemma’ s Weatter seall ka’ macha
40 
Und äll Jôhr en Schnitt, en rara?
 
41 
Woidle stauhnt an diesem Morga
42 
Sonnajäger ganze Schara
43 
Lang voar Tag im Busch verborga
44 
Uffam Bearg mit iahram Gara.
 
45 
Wo-n-as tagat, weads en bänger
46 
Und a menger hätt gean ghoufet;
47 
Aber s dräut en s Schulza Finger,
48 
Und so trout se koiner z schnoufet.
 
49 
Môjaschtetisch steigt ui d Sonna
50 
Hintram Bearg rouf gega s Gara,
51 
Und der Schultas schreit: „S ischt gwonna,
52 
Hebet fescht und launt it fahra!“
 
53 
Doch dô will koi’ Heba batta,
54 
S Schulza’namt fangt ana’ kratza
55 
Und a’ fluacha: „Kriasakratta,
56 
Kroutsalôt und Leabarspatza!
 
57 
Jetz, was ischt denn dô gauh’ gwicha“
58 
„„O der Bearg,““ sait Büttelhansi.
59 
„So? Nôch muaß man pfähla, picha,
60 
Moara gôhts glei wieder an sie.“
 
61 
Um da Bearg rum schlet ma’ Pfoschta,
62 
Soilats a’ und thuats pitschiara
63 
Und zua älli deani Koschta
64 
Au noh d Frucht verunganiara.
 
65 
Endli wead as wieder Dämmer
66 
Und der Schultas reit sein Schimmel,
67 
Daß as desmôl gang it schlimmer,
68 
Visatiart er Erd und Himmel.
 
69 
Und so steckt ma’ wieder Stanga
70 
Uff da Bearg und hängt nôch s Gara
71 
An dia Stanga, so muaß langa,
72 
D Sonna nei’ ins Gara fahra.
 
73 
Hui! dô scheut der Schimmel d Gluata
74 
Von der Sonn, springt na dur d Hecka,
75 
Dunta siehscht da Schultas bluata
76 
Und sein Schimmel gar verrecka!
 
77 
Und der Büttel, dear ischt bissa,
78 
Und der Bau’wat hinta bacha,
79 
S Gara souber zema grissa -
80 
Soll ma’ heina, soll ma’ lacha?
 
81 
„Haunt er mi im Häusli dinna?“
82 
Hôt jetz d Sonna spöttisch glachat
83 
Und dernô noh mit ra Zenna
84 
Übram Bearg en Hopser gmachat.
 
85 
Und wo nô der Mau’ ischt komma,
86 
Thuat er au so Äugla macha.
87 
Guckt er füri hinter Pflumma,
88 
Siehscht a heu’t noh drübert lacha.

Details zum Gedicht „D Sonn- und Mau’fanger“

Autor
Michel Buck
Anzahl Strophen
22
Anzahl Verse
88
Anzahl Wörter
516
Entstehungsjahr
bis 1888
Epoche
Realismus,
Naturalismus

Gedicht-Analyse

Der Autor des Gedichtes „D Sonn- und Mau’fanger“ ist Michel Buck. Buck wurde im Jahr 1832 in Ertingen, Oberamt Riedlingen geboren. Im Jahr 1888 ist das Gedicht entstanden. In Stuttgart ist der Text erschienen. Das Gedicht lässt sich an Hand der Entstehungszeit des Gedichtes bzw. von den Lebensdaten des Autoren her den Epochen Realismus oder Naturalismus zuordnen. Bitte überprüfe unbedingt die Richtigkeit der Angaben zur Epoche bei Verwendung. Die Zuordnung der Epochen ist ausschließlich auf zeitlicher Ebene geschehen. Das Gedicht besteht aus 88 Versen mit insgesamt 22 Strophen und umfasst dabei 516 Worte. Der Dichter Michel Buck ist auch der Autor für Gedichte wie „A Gschichtle vom guata Philipp Neri“, „A Trom“ und „Am Bächle“. Zum Autoren des Gedichtes „D Sonn- und Mau’fanger“ liegen auf unserem Portal abi-pur.de weitere 55 Gedichte vor.

Weitere Gedichte des Autoren Michel Buck (Infos zum Autor)

Zum Autoren Michel Buck sind auf abi-pur.de 55 Dokumente veröffentlicht. Alle Gedichte finden sich auf der Übersichtsseite des Autoren.