Eine Frage von Johann Peter Hebel

Sag, weisch denn selber au, du liebe Seel,
was ’s Wienechtchindli isch, und heschs bidenkt?
Denk wohl i sag der’s, und i freu mi druf.
 
O, ’s isch ein Engel usem Paradies,
mit sanften Augen und mit zartem Herz.
Vom reine Himmel abe het en Gott
de Chindlene zum Trost und Sege gschickt.
Er hüetet sie am Bettli Tag und Nacht.
Er deckt sie mittem weiche Fegge zue,
10 
und weiht er sie mit reinem Othem a,
11 
wird’s Aeugli hell und ’s Bäckli rund und roth.
12 
Er treit sie uf de Hände in der G’fohr,
13 
günnt Blüemli für sie uf der grüene Flur,
 
14 
und stoht im Schnee und Rege d’Wienecht do,
15 
se henkt er still im Wienechtchindli-Baum
16 
e schöne Früehlig in der Stuben uf,
17 
und lächlet still, und het si süeßi Freud,
18 
und Muetterliebi heißt si schöne Name.
 
19 
Io, liebi Seel, und gang vo Hus zue Hus,
20 
sag Guete Tag, und B’hüetich Gott, und lueg!
21 
Der Wienechtchindli-Baum verrothet bald,
22 
wie alli Müetter sin im ganze Dorf.
 
23 
Do hangt e Baum, nei lueg me doch und lueg!
24 
In alle Näste nüt als Zuckerbrod.
25 
’s isch nit viel nutz. Die het e närschi Freud
26 
an ihrem Büebli, will em Alles süeß
27 
und liebli mache, thuet em, was es will.
28 
Gib Acht, gib Acht, es chunnt e mol e Zit,
29 
se schlacht sie d’Händ no z’semmen überm Chopf,
30 
und seit: „Du gottlos Chind, isch das mi Dank?“
31 
Io weger, Müetterli, das isch di Dank!
 
32 
Iez do siehts anderst dri ins Nochbers Hus.
33 
Scharmanti bruni Bire, welschi Nuß
 
34 
und menge rothen Oepfel ab der Hurt,
35 
e Gufebüchsli, doch wills Gott der Her
36 
ke Gufe drin. Vom zarte Bese-Ris
37 
e goldig Rüethli, schlank und nagelneu!
38 
Lueg, so ne Muetter het ihr Chindli lieb!
39 
Lueg, so ne Muetter ziehts verständig uf,
40 
und wird mi Bürstli meisterlos, und meint,
41 
es seig der Her im Hus, se hebt si b’herzt
42 
der Finger uf, und förcht ihr Büebli nit,
43 
und seit: „Weisch nit, was hinterm Spiegel steckt?“
44 
Und ’s Büebli folgt, und wird a brave Chnab.
 
45 
Iez göhn mer wieder witers um e Hus.
46 
Zwor Chinder gneug, doch wo me luegt und luegt,
47 
schwankt wit und breit ke Wienechtchindli-Baum.
48 
Chumm, weidli chumm, do blibe mer nit lang!
49 
O Frau, wer het di Muetterherz so g’chüelt?
50 
Verbarmt’s di nit, und goht’s der nit dur d’Seel,
51 
wie dini Chindli, wie di Fleisch und Bluet
52 
verwildern ohni Pfleg und ohni Zucht,
53 
und hungrig bi den andre Chinde stöhn
 
54 
mit ihre breite Rufe, schüch und fremd?
55 
Und Wi und Caffi schmeckt de doch so guet!
 
56 
Doch lueg im vierte Hus, das Gott erbarm,
57 
was hangt am grüene Wienechtchindli-Baum?
58 
Viel stachlig Laub, und näume zwische drinn
59 
ne schrumpfig Oepfeli, ne dürri Nuß!
60 
Sie möcht, und het’s nit, nimmt ihr Chind uf d’Schoß,
61 
und wärmt’s am Buese, luegets a und briegt;
62 
der Engel stüürt im Chindli Thränen i.
63 
Sel isch nit g’fehlt, ’s isch mehr as Marzipan
64 
und Zuckererbsli. Gott im Himmel siehts,
65 
und het us mengem arme Büebli doch
66 
e brave Ma und Vogt und Richter gmacht,
67 
und usem Töchterli ne bravi Frau,
68 
wenns numme nit an Zucht und Warnig fehlt.
Arbeitsblatt zum Gedicht
PDF (29.9 KB)

Details zum Gedicht „Eine Frage“

Anzahl Strophen
10
Anzahl Verse
68
Anzahl Wörter
532
Entstehungsjahr
nach 1776
Epoche
Aufklärung,
Empfindsamkeit,
Sturm & Drang

Gedicht-Analyse

Das Gedicht „Eine Frage“ stammt aus der Feder des Autors bzw. Lyrikers Johann Peter Hebel. Der Autor Johann Peter Hebel wurde 1760 in Basel geboren. Im Zeitraum zwischen 1776 und 1826 ist das Gedicht entstanden. Der Erscheinungsort ist Karlsruhe. Das Gedicht lässt sich an Hand der Entstehungszeit des Gedichtes bzw. von den Lebensdaten des Autors her den Epochen Aufklärung, Empfindsamkeit, Sturm & Drang, Klassik, Romantik, Biedermeier oder Junges Deutschland & Vormärz zuordnen. Vor Verwendung der Angaben zur Epoche, prüfe bitte die Richtigkeit. Die Zuordnung der Epochen ist ausschließlich auf zeitlicher Ebene geschehen und daher anfällig für Fehler. Das vorliegende Gedicht umfasst 532 Wörter. Es baut sich aus 10 Strophen auf und besteht aus 68 Versen. Weitere Werke des Dichters Johann Peter Hebel sind „Auf den Tod eines Zechers“, „Auf einem Grabe“ und „Das Habermuß“. Zum Autor des Gedichtes „Eine Frage“ haben wir auf abi-pur.de weitere 60 Gedichte veröffentlicht.

+ Wie analysiere ich ein Gedicht?

Daten werden aufbereitet

Fertige Biographien und Interpretationen, Analysen oder Zusammenfassungen zu Werken des Autors Johann Peter Hebel

Wir haben in unserem Hausaufgaben- und Referate-Archiv weitere Informationen zu Johann Peter Hebel und seinem Gedicht „Eine Frage“ zusammengestellt. Diese Dokumente könnten Dich interessieren.

Weitere Gedichte des Autors Johann Peter Hebel (Infos zum Autor)

Zum Autor Johann Peter Hebel sind auf abi-pur.de 60 Dokumente veröffentlicht. Alle Gedichte finden sich auf der Übersichtsseite des Autors.